Helga, vajza e madhe e aktores Arjola Demiri, ka festuar ditëlindjen e 18-të.
Me këtë rast, aktorja ndau me ndjekësit e saj disa momente nga festa dhe një mesazh të gjatë për të bijën, të cilin e shoqëroi me fotografi nga ambienti i festës, ku Helga u shfaq e rrethuar nga mikeshat.
Arjola, një nga figurat më të njohura të ekranit shqiptar dhe nënë e tre fëmijëve, i është referuar vajzës si “dhurata më e shenjtë” që i ka dhënë jeta.
Në postimin e saj, aktorja thekson se rrugëtimi i tyre ka qenë i përbashkët që nga dita e parë, duke e cilësuar Helgën si frymëzimin e saj të përditshëm.
“18 vite më parë më bekove me emrin nënë”, shkruan ndër të tjera Arjola, duke theksuar se përmes Helgës ka parë forcën, butësinë dhe mençurinë e vërtetë.
Ajo e mbyll urimin me një thirrje për të ecur përpara me besim dhe guxim, por duke kujtuar gjithmonë se mbështetja e nënës do të jetë gjithmonë aty.
Në një intervistë të mëparshme, Arjola kishte deklaruar se është përqendruar plotësisht te rritja e tre fëmijëve të saj dhe se nuk ka pasur një partner pranë në jetën e saj personale.
Festa e 18-vjetorit të Helgës vjen si një moment simbolik për familjen, duke shënuar kalimin drejt një faze të re në jetën e saj.
