Presidenti i SHBA, Donald Trump, ka deklaruar se do të marrë një vendim përfundimtar për një ndërhyrje ushtarake ndaj Iranit brenda dy javëve të ardhshme.
Lajmi u konfirmua nga sekretarja për shtyp e Shtëpisë së Bardhë, Karoline Leavitt, e cila transmetoi fjalët e presidentit:
“Duke marrë parasysh që ka një mundësi reale për negociata që mund ose jo të ndodhin me Iranin në të ardhmen e afërt, do të marr vendimin tim nëse do të veproj apo jo brenda dy javëve.”
SHBA vijon të mbajë qëndrimin se Irani tashmë i ka të gjitha kapacitetet për të ndërtuar një armë bërthamore. Leavitt tha se Teherani është në pritje të një vendimi nga Udhëheqësi Suprem, Ali Khamenei, për ta përdorur ose jo këtë armë potenciale.
Kushtet që Uashingtoni ka vendosur për çdo negociatë me Iranin janë të qarta: ndalim i plotë i pasurimit të uraniumit dhe garanci që Teherani nuk do të jetë në gjendje të prodhojë armë bërthamore.
Këto deklarata shtojnë edhe më tej tensionin në rajon, ndërsa bota pret me shqetësim zhvillimet e radhës.
