Levian Goga, burri shqiptar që u zhyt në lumë për të shpëtuar djemtë 12-vjeçarë dhe 14-vjeçarë që u mbytën të mërkurën e kaluar në lumin Arachtho, e ka mbajtur premtimin e tij për të bërë tatuazh emrat e djemve.
Me zemër të thyer, por i vendosur për ta mbajtur gjallë kujtimin e Nisit dhe Spyros, ai deklaroi disa ditë pas tragjedisë: “Do t’i bëj tatuazh fytyrat e tyre. Qofshin gjithmonë mbi mua. Gjithmonë në zemrën time.”
Pavarësisht përpjekjeve të tij, dy fëmijët për fat të keq nuk ia dolën, megjithatë ai e mban gjallë kujtimin e tyre, pasi në një video që postoi në llogarinë e tij në TikTok, Goga Levian tregon tatuazhin e tij më të plotë.
“Isha pa dokumente për 20 vjet. Nuk e bëra për shtetësi. Jam mirënjohës që do t’i japin të gjithë familjes kartat e identitetit, por mendova që në momentin që hyra se fëmija im ishte brenda. Doja ta nxirrja sa më shpejt të mundesha. Dhe i falënderoj të gjithë, e gjithë Greqia më ka telefonuar, ministrat, të gjithë ata që panë numrin tim më kanë telefonuar“, shtoi ai.
