Pas suksesit të bashkëpunimit të tyre në këngën “Ma Kthe”, e cila ka grumbulluar miliona shikime dhe është pritur mirë nga publiku, Ledri Vula dhe Xhensila Myrtezaj kanë vijuar promovimin e projektit të përbashkët edhe në skenë.
Të dy artistët ishin të pranishëm së fundmi në një koncert në Zvicër, ku performuan live përpara një publiku entuziast.
Pjesë e vëmendjes së publikut dhe mediave sociale ka qenë dinamika mes dyshes gjatë performancës, e cila u përshkrua nga afërsi dhe energji skenike.
Momente të caktuara gjatë interpretimit janë komentuar gjerësisht në rrjete sociale, duke nxitur diskutime dhe spekulime mbi natyrën e marrëdhënies së tyre përtej bashkëpunimit muzikor.
Në veçanti, lëvizjet skenike të Xhensilës janë përfolur si më të lira se zakonisht, gjë që ka ngjallur reagime të përziera në publik.
