Paratë nuk vijnë gjithmonë menjëherë. Nga një rritje në rrogë, te kursimet apo suksesi financiar, gjithçka kërkon kohë, mendësi dhe mënyrën e duhur për ta parë veten dhe jetën.
Për të ndryshuar këtë raport, Amanda Frances, e njohur ndryshe si “Mbretëresha e parasë”, ndan disa këshilla të vlefshme.
Autorja amerikane e biznesit dhe sukseseve financiare, e cila u bë mjaft e famshme nga libri i saj “Rich As F*ck”, njihet për programet motivuese për gratë që duan të ndërtojnë karrierë apo biznes.
Më poshtë renditen 5 parimet e saj kryesore se si mund të ndryshohet raporti me financat dhe si mund të krijohet një energji më pozitive rreth parasë:
1. Meditimi ndihmon për të qartësuar mendjen
Meditimi nuk shërben vetëm për qetësi emocionale. Sipas Amandës, ai ndihmon për të kuptuar më qartë çfarë kërkohet realisht nga jeta dhe ku duhet fokusuar energjia. Kur mendja qetësohet, bëhet më e lehtë të merren vendime të mira dhe të krijohet hapësirë për mundësi të reja.
2. Besoji intuitës tuaj
Nëse diçka nuk duket e duhur që në fillim, zakonisht ka një arsye. Amanda thotë se intuita është një nga udhëzuesit më të fortë në biznes dhe në jetë. Nga ana tjetër, kur një ide, punë apo projekt të jep ndjesi pozitive, ia vlen të provohet, edhe nëse duket e frikshme ose e paarritshme në pamje të parë.
3. Shkruaji mendimet dhe objektivat
Të shkruarit ndihmon për të kuptuar më mirë veten, frikërat dhe dëshirat. Mbajtja e një ditari krijon qartësi dhe ndihmon për të parë më konkretisht objektivat financiare. Gjithashtu, është një mënyrë e mirë për të reflektuar dhe për të kuptuar saktësisht se çfarë duhet ndryshuar në përditshmëri.
4. Praktiko mirënjohjen çdo ditë
Sipas autores, energjia negative dhe ankesat e vazhdueshme ndikojnë direkt edhe në mënyrën si përjetohet suksesi. Mirënjohja për gjërat që ekzistojnë tashmë në jetë krijon një mendësi më pozitive dhe ndihmon për të parë mundësi të reja zhvillimi. Edhe kujdesi ndaj vetes konsiderohet si pjesë jetike e këtij procesi.
5. Ndrysho rrënjësisht mënyrën si e sheh paranë
Shumë njerëz jetojnë me frikën e mungesës dhe me ankthin financiar. Amanda beson fort se raporti me paranë duhet ndërtuar mbi vetëbesimin dhe asnjëherë mbi frikën. Kur largohet ndjesia e mungesës, bëhet shumë më e lehtë të merren vendime më të zgjuara, më të matura dhe më të guximshme për të ardhmen tuaj ekonomike.
