Takimet (dating) janë një proces me prova dhe gabime. Një “lojë numrash”, si të thuash. Një nga mënyrat e vetme për të përcaktuar se me çfarë lloj personi dëshiron të jesh vërtet, është të shoqërohesh me njerëz që nuk janë plotësisht të duhurit për ty.
Megjithatë, ka mënyra për të shmangur lëndimet e panevojshme dhe për të kapërcyer tipat e gabuar, në një përpjekje më të mirë për të gjetur personin e duhur.
Ja pesë lloje burrash që duhet t’i shmangni me çdo kusht:
1. Maniaku i kontrollit
Ndonëse ky tip duhet të jetë i qartë dhe i lehtë për t’u piketuar, shpesh në fillim të një marrëdhënieje “maniaku i kontrollit” mund të maskohet si dikush që thjesht tregon shumë vëmendje dhe kujdes.
Me kalimin e kohës, megjithatë, do të filloni të ndiheni paksa të izoluar dhe të paaftë për të marrë vendimet tuaja. Për më tepër, vendimet që merrni mund t’i ndjeni të gjykuara ose të nënvlerësuara. Kjo bëhet në përpjekje për t’ju modeluar sipas dëshirës së tij, me qëllim që ai të marrë rolin e “pushtetit” në marrëdhënie.
Marrëdhëniet nuk kanë të bëjnë me pushtetin apo kontrollin – ato kanë të bëjnë me bashkëpunimin dhe partneritetin. Për këtë arsye, një burrë që është maniak kontrolli është i paaftë të ndërtojë një lidhje të shëndetshme me një partner të barabartë dhe duhet shmangur.
2. Ai që vetëm ankohet
Të dalësh me një pesimist të përjetshëm është njëlloj si të përpiqesh të notosh me një spirancë të lidhur pas kyçit të këmbës. Ka një ndryshim të madh mes dy njerëzve që balancojnë qëndrimet e njëri-tjetrit dhe dikujt që thjesht të tërheq poshtë emocionalisht.
Të përpiqesh të ndërtosh një marrëdhënie me dikë që ankohet gjithmonë ose që sheh vetëm anën negative të gjërave do të bëhet gjithnjë e më e vështirë me kalimin e kohës. Ky qëndrim do të fillojë të ndikojë edhe te ju (nëse e lejoni); ndonëse mund të mos bëheni aq negativë sa ai, mund të hiqni dorë lehtësisht nga përpjekjet për të parë anën pozitive të situatës, sepse ai do t’ju rrëzojë vazhdimisht.
Nëse jeni një person natyrisht pozitiv, të qenit me dikë që ka një qëndrim të ngjashëm do të rrisë nivelin tuaj të lumturisë, prandaj kushdo që bën të kundërtën duhet lënë pas.
3. Burri “Plastelinë”
Shumica prej jush ndoshta e kujtojnë Silly Putty (atë plastelinën super elastike). Ishte një substancë jashtëzakonisht fleksibël me të cilën mund të bëje çfarë të dëshiroje. Mund ta tërhiqje aq fort sa të ndahej, e pastaj thjesht e bashkoje përsëri dhe vazhdoje ta modeloje.
Sigurisht, ishte argëtuese për të luajtur, por ai nuk është partneri juaj jetësor. Fleksibiliteti dhe kompromisi në një marrëdhënie janë të rëndësishme, por po aq e rëndësishme është të kesh opinionet dhe këndvështrimin tënd.
Të jesh me dikë që nuk ka identitetin e tij dhe varet nga ti për çdo vendim, do t’ju shterojë energjinë dhe – për të mos thënë – do t’ju mërzisë për vdekje. Si një i rritur inteligjent dhe i pavarur, partneri juaj më i mirë është dikush që gëzon të njëjtat cilësi.
4. Qendra e botës
E kundërta e plastelinës elastike është ajo plastelina e ngurtësuar (si puna e Play-Doh të tharë). E mbani mend? Kur ngurtësohej, nuk kishte më asnjë lloj fleksibiliteti – thjesht mbetej ashtu siç ishte dhe thërrmohej nëse përpiqeshe të bëje diçka me të.
Kështu ndodh edhe me dikë që është aq i përpirë nga vetvetja, saqë çdo gjë duhet të rrotullohet rreth tij, duke kërkuar që ai të mos bëjë asgjë tjetër përveçse të serviret dhe të llastohet. Ne kurrë nuk duhet të duam të ndryshojmë partnerin tonë, por vullneti i tyre për të qenë fleksibël dhe për të bërë kompromis është thelbësor për të siguruar lumturinë e të dyve në marrëdhënie.
Për më tepër, dikush që është aq i shqetësuar për veten e tij, ka shumë më pak gjasa të shqetësohet për lumturinë tuaj.
5. Narcisisti
Disa nga këto cilësi të mësipërme mund të hyjnë nën ombrellën e narcisizmit, por njohja e tij si një diagnozë më vete është jashtëzakonisht e rëndësishme.
Sipas Psychology Today: “Individët me këtë çrregullim shfaqin një mungesë të aftësisë për të bashkëndier (empatizuar) me të tjerët dhe një ndjenjë të fryrë të rëndësisë së vetvetes.”
