Ndërsa rrugëtimi i tij brenda “Ferma VIP” po shoqërohet me diskutime të shumta për shkak të afrimitetit të shpejtë me banoren e re, Klevisën, detaje të reja nga jeta private e Indritit jashtë kamerave kanë pushtuar rrjetin.
Ditën e sotme, në media po qarkullojnë disa fotografi të hershme të konkurrentit, të cilat janë përhapur me shpejtësi në platformat sociale.
Në këto imazhe të bëra publike, Indriti shfaqet në momente të ndryshme të përditshmërisë, gjatë pushimeve dhe në ambiente private pranë ish-bashkëshortes së tij.
Fotot dëshmojnë një kapitull të mbyllur të jetës së tij përpara se të bëhej pjesë e ekranit dhe e formateve të tipit reality show.
Imazhet e përzgjedhura tregojnë momente mjaft të qeshura të dyshes përgjatë marrëdhënies së tyre shumëvjeçare:
Në dy prej fotove, ish-çifti shihet duke shijuar momente relaksi në bregdet si dhe gjatë një darke, ku bien në sy buzëqeshjet dhe portretet e tyre mjaft të shpenguara.
Në njërën prej fotografive, ku ata shfaqen të përqafuar, bie në sy edhe barku i rrumbullakosur i ish-partneres së tij, duke sjellë në vëmendje të kaluarën e tyre familjare.
Ky spastrim i arkivave nga ana e ndjekësve vjen në një moment mjaft delikat të lojës së tij, ku deklaratat e familjarëve të Klevisës mbi diferencën e moshës dhe reagimet e Vanesës jashtë shtëpisë e kanë vendosur Indritin nën një lupë të fortë gjykimi nga ana e opinionit publik.
