Hyrja e Big Bastës në programin televiziv “Ferma Vip”, u shoqërua me aludime të herë pas hershme për një ndarje të mundshme nga partnerja e tij prej disa vitesh tashmë, Vesa Luma.
Sipas fjalëve që qarkulluan, kjo e fundit nuk ishte fort dakort me pjesmarrjen e tij në “Ferma Vip”, duke sjellë kështu një përçarje mes tyre.
Ajo që shtoi edhe më shumë dyshimet ishte përgjigjja e reperit kur u pyet për kë do e merrte më shumë malli gjatë qëndrimit të tij në fermë. “Djalin”,- u përgjigj ai, dhe kur u pyet nga Luana “Vetëm për djalin?” shtoi “Edhe familjen”, pa e përmendur fare Vesën.
Gjithashtu në ditët e para të programit, Vesa nuk bëri asnjë postim mbështetës për Big Bastën në rrjetet sociale.
Ndërkohë që një tjetër detaj u vu re. Në shtëpinë e Vip-ave vendoset kënga e Vesës dhe ai nisi të këndojë dhe kërcejë së bashku me banorët e tjerë. Por sërish përshëndeti vetëm të birin, jo Vesën.
Përsa i përket këtyre fjalëve që qarkulluan, Big Basta ka folur gjatë puntatës së sotme në “Ferma Club”, pasi u shpall fitues i programit në finalen e djeshme, tek tha se ai dhe Vesa kanë qenë një nga çiftet më të ndjekur për publikun prej vitesh dhe nuk kanë patur kurrë nevojë të shpërndajnë lajme të pavërteta për vëmendje.
Kjo përgjigje e tij erdhi pasi opinionisti i programit, Elton Tozaj, iu drejtua Big Bastës se, në vend që të shuante dyshimet për ndarje, ai në fakt kishte krijuar më shumë tymnajë për të tërhequr vëmendje.
