Një raketë Starship e kompanisë SpaceX të Elon Musk ka shpërthyer natën e kaluar gjatë një testi statik në bazën “Starbase” në jug të Teksasit, duke shkaktuar një zjarr që ndriçoi qiellin.
Shpërthimi ndodhi rreth orës 23:00, ndërsa raketa po përgatitej për fluturimin e saj të dhjetë testues, konfirmoi SpaceX në një deklaratë, duke e quajtur incidentin një “anomali madhore”.
“Një zonë sigurie u ruajt gjatë gjithë operacionit dhe të gjithë anëtarët e stafit janë të sigurt dhe të llogaritur,” njoftoi kompania në platformën X.
Sipas SpaceX, nuk ka asnjë rrezik për komunitetet përreth, megjithatë publiku u paralajmërua të mos i afrohet zonës së incidentit.
Pavarësisht shpërthimit, kompania e Elon Musk është duke bashkëpunuar me autoritetet lokale për të hetuar shkakun e ngjarjes dhe për të vlerësuar dëmet në infrastrukturë.
Starship është raketa më e madhe dhe më e fuqishme e ndërtuar ndonjëherë, projektuar për të dërguar njerëz në Hënë dhe në Mars. Testet e saj përfshijnë rreziqe të larta teknologjike, por janë thelbësore për përparimin e misioneve hapësinore në dekadën e ardhshme.
