Gazetarja e njohur, Sharlot Pet, u gjet e gjallë këtë javë në një hostel në Brazil, katër muaj pasi ishte shpallur e zhdukur.
Ajo kishte udhëtuar për në Brazil në mënyrë të pavarur pa i njoftuar familjarët dhe kishte kërkuar që të mos kishte kontakt me ta.
Sharlot u raportua e humbur në shkurt, pasi ndaloi komunikimin me miqtë dhe familjen, ndërsa u identifikua në zonën e Morro da Babilônia, një lagje e ndodhur ndërmjet Copacabana-s dhe Botafogo-s.
Pas shqetësimeve të familjes dhe opinionit publik, policia braziliane sqaroi se Sharlot ishte në gjendje të mirë shëndetësore dhe kishte zgjedhur vetë të tërhiqej nga kontakti me familjen.
Deri më tani, nuk janë dhënë detaje të tjera mbi motivet e kësaj vendimmarrjeje.
