Një tërmet me një magnitudë paraprake prej 6.1 ballë goditi pranë ishullit grek të Kretës të enjten në mëngjes, sipas sizmologëve.
Lëkundjet u ndjenë në të gjithë rajonin, duke përfshirë pjesë të Izraelit, Egjiptit dhe Qipros.
Tërmeti ndodhi në orën 6:19 të mëngjesit sipas orës lokale të enjten dhe epiqendra e tij ishte në veri të Kretës, sipas të dhënave paraprake nga Qendra Sizmologjike Euro-Mesdhetare (EMSC) dhe Shërbimi Gjeologjik i SHBA-së (USGS). Tërmeti goditi në një thellësi prej 69 kilometrash (43 milje).
Epiqendra e tërmetit ndodhej afërsisht 59 kilometra nga Ágios Nikólaos dhe rreth 74 kilometra nga Irákleion, të dyja në ishullin e Kretës.
Dridhje u raportuan në të gjithë ishujt e Egjeut dhe pjesë të Greqisë kontinentale, përfshirë Athinën. Raportime më të largëta për dridhje erdhën nga Izraeli, Egjipti dhe Qiproja.
Momentalisht raportohet vetëm për dëme materiale.
