Një studim i fundit ka zbuluar se brenda 24 orëve të një dite, ka momente ku ndihemi më të lumtur apo më të trishtuar.
Sipas kërkimeve nga University College London, të publikuara në BMJ Mental Health, analizat mbi gjendjen emocionale të më shumë se 49,000 të rriturve për një periudhë dyvjeçare tregojnë se:
- Humori është më i mirë në mëngjes, menjëherë pas zgjimit, kur hormoni i kortizolit është në nivelin më të lartë, duke ndikuar pozitivisht në energji dhe motivim.
- Mbrëmja është momenti më i vështirë emocionalisht, pasi niveli i kortizolit bie dhe trupi ndjen lodhjen e ditës.
- Nga ditët e javës, e hëna dhe e premtja shënojnë nivelin më të lartë të lumturisë dhe kënaqësisë, krahasuar me të dielën, e cila rezultoi dita më melankolike.
- Verat janë më pozitive për shëndetin mendor, ndërsa stinët e ftohta ndikojnë negativisht.
Këto të dhëna tregojnë rëndësinë e orarit të ditës dhe rutinës në humorin tonë, duke theksuar se mënyra si e nis dhe e mbyllim ditën ka ndikim të drejtpërdrejtë në mirëqenien emocionale.
