Në intervistën e tij të fundit për emisionin “Ftesë në 5”, opinionisti i Big Brother VIP Albania, Arbër Hajdari, u pyet edhe për banorin që ai e konsideron më pak inteligjent në edicionin e katërt të spektaklit.
Pa hezituar, ai përmendi emrin e Valbona Mhillit.
Kjo deklaratë ka ngjallur reagime të shumta në rrjet, ku ndjekësit kanë rikthyer në vëmendje disa momente të debatueshme mes Arbrit dhe Valbonës gjatë spektaklit.
Sipas komenteve online, një episod i ndodhur në ditët e para të BBVA4 është parë si momenti që mund të ketë ndikuar në qëndrimin e opinionistit ndaj saj.
Gjatë një debati, Valbona iu drejtua Arbrit me një koment ironik: “A po më dëgjon o Arbër, me ato veshët e tu të mëdhenj?” – një moment që u bë viral dhe që, sipas ndjekësve, e vuri opinionistin në siklet.
Prej asaj kohe, në rrjet është krijuar bindja se ky koment nuk u kalua lehtë nga Arbri dhe se ai ndikoi në mënyrën si e analizonte Valbonën gjatë spektaklit.
