Alba Pollozhani ka tërhequr vëmendjen në rrjetet sociale pas ndryshimit të fundit në pamjen e saj, por këtë herë nuk është vetëm modeli i ri i flokëve ai që po komentohet.
Ish-konkurrentja e “Për’puthen” ka vendosur flokë të rinj, për të cilët është bërë e ditur një shifër jo e zakonshme: plot 20 mijë euro.
Dhe nëse fillimisht shuma mund të dukej si një prej atyre ekzagjerimeve që qarkullojnë shpesh në rrjet, Alba ka konfirmuar vetë se bëhet fjalë pikërisht për këtë vlerë.
Përmes një videoje të publikuar në Instagram, ajo ka folur për ndryshimin e saj të ri dhe ka konfirmuar koston prej 20 mijë eurosh, duke i dhënë fund pikëpyetjeve që mund të kishte ngritur shifra.
Natyrisht, një shumë e tillë vetëm për flokët nuk mund të kalonte pa marrë vëmendje. Pamjet kanë nisur të komentohen në rrjetet sociale, ku krahas ndryshimit të Albës, diskutimi është përqendruar pikërisht te kostoja e tij.
Për Albën, e cila prej kohësh është aktive në rrjetet sociale dhe eksperimenton me paraqitjen e saj, ky është një prej ndryshimeve më të kushtueshme të bëra publike deri tani.
