Këngëtarja Dafina Zeqiri ka ndarë me ndjekësit e saj në Instagram një dhuratë të pranuar nga fituesja e “Big Brother VIP Albania”, Selin Bollati, dhe partneri i saj, DJ Gimbo.
Çifti e ka uruar artisten për shtatzëninë e saj të dytë përmes një buqete me lule dhe një kartoline me një mesazh të përzgjedhur.
Në urimin e shkruar për Dafinën shkruhej:
“Coolest mamma in town!!! Shumë urime edhe shtatzëni të mbarë. Puthe Daskan nga ne dhe kujdesu për veten… much loveee Selin & Gimbo”.
Kjo surprizë vjen pak kohë pasi Dafina Zeqiri zbuloi publikisht se është në pritje të fëmijës së dytë.
Lajmin e ëmbël ajo e dha gjatë koncertit të saj “Supernova” në Tiranë, ku tregoi se djali i saj i parë, Daskani, do të bëhet me një vëlla ose motër.
Gjatë performancës, këngëtarja u shpreh me humor se kishte kënduar “vetë e dyta”, duke shtuar me batutë se bashkë me partnerin e saj, Kreshnik Gjergjin, po bëjnë një skuadër futbolli.
