Gara në “Ferma VIP 3” po bëhet gjithnjë e më interesante me shtimin e konkurrentëve të rinj, të cilët pritet të sjellin energji të reja në shtëpi.
Mbrëmja e sotme ka shënuar hyrjen e dy banorëve që premtojnë shumë: Ervinit, fizioterapist me profesion, dhe Dj Bujakës.
Produksioni kishte menduar një mënyrë mjaft origjinale për t’i futur ata në shtëpi, duke i vënë fillimisht në një rol “shërbimi”.
Djemtë u shfaqën si profesionistë që do t’u bënin masazh Ermionës dhe Mozës, të cilat nuk dyshuan për asnjë moment se personat që po i trajtonin ishin në fakt kolegët e tyre të rinj.
Vetëm pasi mbaruan masazhin, u zbulua e vërteta e papritur: Ervini dhe Dj Bujaka janë zyrtarisht pjesë e listës së konkurrentëve.
Me profilin e tyre të ndryshëm—njëri nga fusha e shëndetësisë dhe tjetri nga bota e muzikës—mbetet për t’u parë se si do t’i përshtaten jetës në fermë dhe çfarë aleancash do të krijojnë në ditët në vijim.
