Këngëtari i njohur Luiz Ejlli ka ndarë me ndjekësit e tij një episod pas një ndërhyrjeje mjekësore në këmbë.
Në një video të publikuar në InstaStory, ai shfaqet me këmbën e fashuar dhe me humor shkruan: “Gjatë operimit nuk kisha dhimbje, por kur ndalova tek recepsioni për faturën, aty më filluan krizat.”
Megjithatë, përtej humorit, vëmendja në rrjet u përqendrua te mungesa e dukshme e partneres së tij, Kiara Tito.
Përdorues të shumtë në rrjetet sociale kanë komentuar se Kiara nuk është parë pranë Luizit gjatë këtij momenti, ndërkohë që në profilin e saj kishte zgjedhur të publikonte video nga shtëpia e tyre e re.
Ky kontrast ka nxitur komente të shumta kritike ndaj saj, ku shumë ndjekës shprehën zhgënjimin për atë që e cilësojnë si mungesë mbështetjeje në një moment shëndetësor për partnerin.
Deri tani, asnjëri prej tyre nuk ka reaguar ndaj komenteve në rrjet.
