Kombëtarja serbe e futbollit ka mbërritur në Rinas paraditen e së premtes, nën masa të rrepta sigurie, për t’u përballur të shtunën me kuqezinjtë në stadiumin “Air Albania”.
Tvklan.al ka mësuar se nga aeroporti “Nënë Tereza” ata kanë udhëtuar drejt qendrës së Tiranës ku janë akomoduar në ambientet e një hoteli.
Ekipi do të stërvitet në orën 18:00 ndërsa, do të ketë një konferencë për mediat nga trajneri i tyre në orën 17:30.
Ndeshja do të transmetohet falas në ekranin TV Klan.
