Këngëtari Luiz Ejlli është shpallur i pafajshëm nga Gjykata e Apelit në Tiranë, e cila rrëzoi vendimin e mëparshëm të Gjykatës së Fierit që e kishte dënuar me 1 vit burg për akuzën e falsifikimit të dokumenteve.
Ngjarja lidhej me një deklaratë të hartuar në vitin 2015, për të cilën pretendimet ishin se ishte firmosur nga Ejlli në një kohë kur nuk kishte më të drejtë të ushtronte funksionin noterial.
Dokumenti ishte përdorur më vonë në një procedurë ligjore.
Gjykata e Apelit pranoi ankesën e mbrojtjes dhe e konsideroi Luizin të pafajshëm, duke hedhur kështu poshtë çdo dënim penal ndaj tij.
