Rrjetet sociale na përballin shpesh me terma të rinj, të cilët lidhen dhe me gjendje të caktuara perceptimi apo psikologjike.
Së fundmi kemi hasur një term në profilin e Arbenita Ismaili, i cili për shumë ndoshta nuk është i ri, por shumë ndjekës e kanë pyetur në lidhje me kuptimin.
“Pareidolia”, është një situatë psikologjike që mesa duket modelja e përjeton në jetën e përditshme.
Pareidolia do të thotë që shohësh një kuptim në një objekt, model ose formë e cila në të vërtetë nuk e ka.
Paridolia e fytyrës është aq e fortë sa që edhe modelet e paqarta të hijeve mund të duken se përmbajnë fytyra. Ndërsa shikimi i fytyrave në të gjitha llojet e objekteve dikur mendohej si një shenjë e psikozës ose një lloj çrregullimi, në ditët e sotme pareidolia shihet si një pjesë normale e përvojës njerëzore.
