Pak ditë më parë, e ftuar në një intervistë për “Pushime on Top”, Aurela Gaçe u pyet nëse do të bashkëpunonte në një projekt muzikor me Luiz Ejllin.
Si fillim ajo u shpreh falenderuese ndaj Luizit, pasi ai e ka vlerësuar teksa ishte në BBV.
“Luizi kur ka qenë brenda më ka përmendur si një nga artistet e preferuara dhe kjo është gjë e mirë që brezat më të vonë se ti, të duan dhe respektojnë për punën.
Luizi e ka arritur atë që çdokush që hyn në Big Brother do të donte është tani në majat e tij. Edhe unë i kam arritur me kohë qëllimet e mia, prandaj them që bashkëpunimet më të mira vinë pasi ta kesh kaluar famën atë momentin “wow” bëhen për hobi pastaj për t’i dhënë vetes dhe publikut që të ndjek, kënaqësi. Kështu që Luiz më vonë kur ta kesh shijuar karrierën unë këtu do jem edhe pas 20 vjetësh“, u shpreh këngëtarja.
E kjo deklaratë e këngëtares, e cila u diskutua mjaft në rrjet, duket se ka futur së fundmi në një sherr virtual vetë Luiz Ejllin me gazetarin e njohur, Mentor Kikia.
Ky i fundit bëri një postim në rrjetin social, Facebook, ku ndër të tjera shprehej se është një turp që të përmendet Aurela Gaçe me Luiz Ejllin, të cilit i referua si “produkt televiziv pa asnjë vlerë“.
Megjithatë ky postim nuk qëndroi shumë gjatë, pasi vetë autori e fshiu atë, por tepër vonë.
Pak minuta më parë ka ardhur dhe reagimi i Luiz Ejllit. Teksa postoi në Instagram shkrimin e gazetarit, ai tha:
“Të thuash, që unë jam pa kurrëfare vlere, nuk e di nga e nxjerr!
Është e vërtetë që jam produkt i një formati televiziv, por i “Etheve”, produkt i të cilëve janë edhe Elvana Gjata, Anjeza Halimi, Mateus Frroku, Greta Koçi, Hersi Matmuja, Klajd Musabelliu, Kejsi Tola, etj etj.
Shahini, Rona Nishliu, Vesa Luma, Rosela Gjylbegu, Samanta Karavello, Kamela Islamaj, Flaka Krelani, Linda
Jam fitues i kësaj gare të rëndësishme, fitues i Këngës Magjike, fitues i Festivalit të Këngës, e për rrjedhojë, edhe pjesëmarrës në Festivalin Europian të Këngës. Në Big Brother jam nga të paktët që kam hyrë si dikush që ka bërë diçka, si “vip” ndryshe nga shumë të tjerë që kanë hyrë në dy edicione dhe s’e kishim haberin se kush janë.
Por je kokrra e legenit o Mentor, që e postove dhe e fshive. Epo unë nuk e fshij o shok!
Legen je dhe pikë”.
