Ylli i muzikës botërore Adele është shumë e emocionuar për muzikën dhe audiencën e saj.
Burime pranë saj konfirmojnë se 35-vjeçarja përlotet para dhe pas shfaqjeve.
Sipas raportimeve në mediat e huaja, Adele ka aq shumë emocione gjatë koncerteve të saj sa nuk mund t’i kontrollojë ato, për pasojë përfundon duke qarë para dhe pas çdo performance.
“Adele kalon nëpër një gamë emocionesh gjatë performancave të saj, të cilat publiku mund të mos jetë në dijeni. Madhësia e spektaklit dhe suksesi i saj është aq mbresëlënës saqë ajo qan para apo edhe pas shfaqjeve. Ajo ndihet aq e lidhur me fansat dhe mbështetjen e tyre për muzikën dhe artin e saj sa ajo bëhet shumë e ndjeshme”, tha një burim për “The Mirror”.
