Nora Istrefi dhe Robert Berisha kanë zgjedhur kryeqytetin francez për të kaluar disa ditë relaksi me vajzën e tyre, Renee.
Edhe pse prej vitesh nuk janë më çift, dy artistët vazhdojnë të ruajnë një marrëdhënie të shëndetshme si prindër, duke vendosur gjithmonë në plan të parë lumturinë e së bijës.
Nëpërmjet postimeve në rrjetet sociale, Nora dhe Roberti kanë ndarë momente nga shëtitjet dhe përjetimet e tyre në Paris, duke treguar se bashkëprindërimi mes tyre funksionon në mënyrë shembullore.
Ndjekësit kanë vlerësuar qasjen e tyre miqësore pas ndarjes, duke e konsideruar një shembull pozitiv se si respekti dhe përkushtimi ndaj fëmijës mund të mbeten prioritet, pavarësisht ndryshimeve në jetën personale.
