Pas përfundimit të romancës shumë të komentuar, Heidi Baci duket se ka vendosur të lërë të kaluarën pas dhe të fokusohet tërësisht te vetja dhe karriera e saj.
Së fundmi, gjatë një paraqitjeje në një panair, ish-banorja e reality show-t u ndal për një intervistë të shkurtër ku nuk shpëtoi dot nga pyetjet për ish-partnerin e saj.
Gazetari e pyeti Heidin lidhur me deklaratën e fundit të Romeo Veshajt, i cili e përkufizoi marrëdhënien e tyre thjesht si një “histori 3-mujore”, duke theksuar se ndarja erdhi për shkak të perspektivave të ndryshme që kishin për jetën.
Ndonëse e buzëqeshur, Heidi zgjodhi të mos i jepte më shumë hapësirë këtij diskutimi. Ajo e preu shkurt gazetarin, duke refuzuar të bëjë replikë ose të japë komente të mëtejshme për këtë temë:
“O Zot, nuk dua fare ta komentoj...” – u shpreh ajo prerë, duke mbyllur përfundimisht atë kapitull.
Përtej pyetjes për Romeon, gazetari tentoi të zbulonte nëse ka ndonjë zhvillim të ri në jetën e saj romantike dhe nëse ka një dashuri të re në horizont.
Edhe për këtë, Heidi e kishte një përgjigje të qartë, duke deklaruar se momentalisht dashuria nuk është prioritet për të.
Ajo theksoi se është tërësisht e fokusuar te projektet e reja profesionale dhe se gjërat e saj personale nuk ka ndërmend t’i bëjë më publike.
