Ronela Hajati ka ndarë me ndjekësit një tjetër moment romantik nga lidhja e saj e re, duke konfirmuar edhe një herë se është në një periudhë të lumtur në jetën personale.
Në një postim të fundit në Instagram, këngëtarja shfaqet duke marrë një puthje të ëmbël nga partneri i saj, ndërsa janë duke shijuar pushimet në plazh.
Edhe këtë herë, Ronela ka vendosur të mos e zbulojë identitetin e tij, duke mbajtur detajet e lidhjes jashtë vëmendjes publike.
“Jeta dhe çdo gjë e bukur që sjell jeta”, ka shkruar ajo krah fotos, duke lënë të kuptohet se ndodhet në një fazë të qetë dhe të përmbushur emocionalisht.
Edhe pse nuk ka dhënë shumë informacione, ndjekësit kanë komentuar me urime dhe mbështetje për lidhjen e saj të re.
