Flavia Harizaj është shpallur fituesja e Miss Universe Albania 2025, në një event të ndjekur gjerësisht nga publiku dhe mediat, ku u përzgjodhën përfaqësueset e Shqipërisë dhe Kosovës për garën ndërkombëtare që këtë vit mbahet në Tajlandë.
Por menjëherë pas përfundimit të spektaklit, rrjetet sociale dhe portalet kanë shpërndarë lajmin se kurora e këtij viti është “blerë” për një shumë që kap vlerën mbi 20 mijë euro.
Sipas burimeve të cituara nga JOQ, pretendohet se garat e bukurisë në vendin tonë janë kthyer në një sistem ku përzgjedhja e fitueses ndikohet nga pagesa dhe mbështetja që ato marrin nga persona me ndikim.
Ky nuk është rasti i vetëm i përfolur, pasi në rrjet theksohet se raste të ngjashme janë raportuar edhe në edicione të mëparshme të këtij formati.
