Pas ndarjes nga blogerja Sara Hoxha, me të cilën ka edhe një vajzë, Poem Blu, Ledri Vula nisi një romancë të re me sipërmarrësen Rina Zaiti.
Dyshja u panë disa herë në shoqërinë e njëri-tjetrit, por kurrë nuk e konfirmuan publikisht marrëdhënien mes tyre.
Megjithatë, kjo histori ka marrë fund. Ledri dhe Rina nuk e ndjekin më njëri-tjetrin në rrjete sociale – një detaj që ka mjaftuar për të ushqyer zërat se lidhja ka përfunduar.
E ndërsa asnjëri prej tyre nuk ka dhënë një reagim publik, burime pranë “Lokimagazine” publikuan pamje të reja që lënë pak vend për dyshime: Ledri Vula është parë shumë afër me këngëtaren Xhensila Myrtezaj.
Pamjet tregojnë dyshen gjatë pushimeve në Ibiza, duke kaluar kohë së bashku në një grup të vogël miqsh. Në një prej fotove, Ledri shihet duke përqafuar Xhensilën – një moment që për shumëkënd është konfirmim i një lidhjeje të re.
Për momentin, as Ledri dhe as Xhensila nuk kanë reaguar mbi këtë raport, por ndarja me Rinën dhe afrimiteti me këngëtaren po komentohen gjerësisht si një kthesë e re në jetën personale të reperit.
