Një armëpushim mes Izraelit dhe Iranit ka hyrë zyrtarisht në fuqi, mes tensioneve të larta në Lindjen e Mesme.
Presidenti i SHBA-së, Donald Trump, ka reaguar menjëherë përmes një postimi në Truth Social, ku thekson:
“Armëpushimi tani është në fuqi. Ju lutem mos e shkelni atë!”
Nga ana tjetër, Izraeli nuk ka bërë ende asnjë deklaratë zyrtare për pranimin e këtij propozimi, duke mbajtur një qëndrim të rezervuar ndaj nismës.
Ndërkohë, televizioni shtetëror iranian raportoi se armëpushimi iu “imponua” Izraelit, duke sugjeruar se presioni ndërkombëtar ka qenë faktor kyç në ndalimin e përshkallëzimit të mëtejshëm.
Situata mbetet delikate dhe e pasigurt, ndërsa vëmendja botërore është përqendruar në zbatimin e këtij armëpushimi.
