Ministri i Mbrojtjes së Izraelit, Israel Katz, deklaroi sot se lideri suprem i Iranit, Ayatollah Ali Khamenei, “nuk mund të lejohet më të ekzistojë”, duke e akuzuar atë për urdhërimin e një sulmi të drejtpërdrejtë mbi një spital në jug të Izraelit.
Sulmi ndodhi gjatë një vale të re raketash iraniane që synuan disa qytete izraelite.
“Khamenei e konsideron shkatërrimin e shtetit të Izraelit si një objektiv. Një njeri i tillë nuk mund të lejohet të ekzistojë më,” tha Katz në një deklaratë publike.
Ndërkohë, presidenti rus Vladimir Putin dhe ai kinez Xi Jinping kanë bërë thirrje për një zgjidhje diplomatike të konfliktit mes Izraelit dhe Iranit, në një mesazh të drejtpërdrejtë ndaj ish-presidentit amerikan Donald Trump, për ta paralajmëruar që të mos përfshihet në luftë.
Në një tjetër zhvillim të rëndësishëm, ushtria izraelite publikoi pamje nga një goditje ajrore në reaktorin bërthamor iranian në qytetin Arak.
Sipas Forcave të Mbrojtjes të Izraelit (IDF), reaktori ishte projektuar për të prodhuar plutonium – material kyç për ndërtimin e armëve bërthamore.
