Kolesteroli është thelbësor për ndërtimin e qelizave, prodhimin e vitaminave dhe hormoneve.
Megjithatë, kur nivelet e tij rriten përtej normales, rreziku për probleme serioze shëndetësore shtohet ndjeshëm.
Quajtur shpesh si “vrasësi i heshtur”, kolesteroli i lartë zakonisht nuk jep simptoma në fazat e hershme, por nëse neglizhohet, mund të çojë në sulme në zemër, goditje në tru, sëmundje të arterieve dhe komplikime të tjera potencialisht fatale.
Çfarë e shkakton kolesterolin e lartë?
Shkaqet kryesore lidhen me stilin e jetesës:
- Ushqyerja me shumë yndyra të ngopura
- Mungesa e aktivitetit fizik
- Obeziteti
- Duhanpirja
- Konsumi i tepërt i alkoolit
- Trashëgimia gjenetike
Shenjat që mund të tregojnë nivele të larta kolesteroli
Edhe pse shpesh pa simptoma, disa ndryshime në trup mund të jenë tregues të kolesterolit të lartë:
Në këmbë:
- Dhimbje gjatë ecjes
- Mpirje apo ndjesi djegieje në këmbë
- Ndryshime në ngjyrë dhe temperaturë të këmbëve
- Thonj të brishtë dhe lëkurë të thatë
Në sy:
Kolesteroli i lartë mund të reflektohet edhe në sytë tuaj përmes:
- Shikimit të turbullt ose njollave të errëta (floaters)
- Dhimbje të syrit
- Arcus Senilis – një unazë e bardhë ose gri rreth irisit (zakonisht te të moshuarit, por alarmante te të rinjtë)
Në gjuhë:
Edhe gjuha mund të japë sinjale:
- Gjuha me “qime” – sipërfaqe me gunga të zmadhuara, që mund të marrin ngjyrë të errët
- Ndjesi e pakëndshme në gojë ose vështirësi në të folur. Këto mund të lidhen me qarkullimin e dobët të gjakut apo infeksione që favorizohen nga dobësimi i sistemit imunitar.
Të tjera simptoma të zakonshme që lidhen me kolesterolin e lartë
- Dhimbje gjoksi (anginë)
- Tension i lartë i gjakut
- Rrahje të shpejta të zemrës
- Lodhje e vazhdueshme
- Diabet i pakontrolluar
Mjekët rekomandojnë që të matni kolesterolin total, LDL (“i keqi”), HDL (“i miri”) dhe trigliceridet të paktën një herë në vit, sidomos nëse jeni mbi 30 vjeç, keni histori familjare me probleme kardiake, apo jeni mbipeshë.
