Roela dhe Vedati, çifti që nisi historinë e tyre të dashurisë në programin “Përputhen”, kanë ndarë me ndjekësit një lajm të veçantë: ata po presin fëmijën e tyre të parë.
Lajmi u bë i ditur në një festë të organizuar posaçërisht për zbulimin e gjinisë së foshnjës, e mbushur me atmosferë të ngrohtë dhe simbolikë “boy or girl?”.
Çifti u shfaq i emocionuar në pritje të përgjigjes së madhe, ndërsa momenti i shpalljes së gjinisë u prit me duartrokitje dhe gëzim nga të pranishmit. Roela dhe Vedati zbuluan se janë në pritje të një vajze.
Por surprizat nuk mbaruan me kaq. Vedati vendosi të shfrytëzonte këtë moment të veçantë për një hap tjetër të rëndësishëm në jetën e tyre – propozimin për martesë. Gjest që u prit me emocione të forta nga Roela dhe entuziazëm nga të pranishmit.
View this post on Instagram
Çifti ka marrë vëmendjen dhe përkrahjen e madhe të publikut që nga fillimi i lidhjes së tyre në ekran, dhe duket se kjo histori vazhdon të frymëzojë dhe të prekë shumë ndjekës.
