Në një përpjekje për të arritur peshën ideale dhe një trup të dëshiruar, shumë persona zgjedhin metoda ekstreme që shpesh rrezikojnë shëndetin.
Një nga trendet më të përfolura kohët e fundit është agjërimi i zgjatur, si ai 36-orësh, i cili po promovohet nga disa si “zgjidhje magjike” për humbjen e peshës.
Një video e publikuar së fundmi në një kanal të njohur në YouTube, vetëm 55 sekonda e gjatë, tregon me grafikë se çfarë ndodh me trupin gjatë 36 orëve të tëra pa ushqim.
Në fillim, duket premtuese: trupi fillon të djegë yndyrën e grumbulluar dhe stabilizon nivelet e sheqerit në gjak. Por efektet që vijnë më pas janë të habitshme — e ndonjëherë shqetësuese.
Çfarë ndodh në trup gjatë agjërimit të zgjatur?
Pas 8 orësh: Trupi fillon të përdorë glikogjenin e depozituar si burim energjie.
Pas 12 orësh: Glukoza mbaron dhe fillon përdorimi i yndyrnave, përmes një procesi të quajtur “metabolic switching”.
Pas 16 orësh: Aktivizohet autofagia, një proces që shkatërron dhe riciklon qelizat e dëmtuara.
Pas 24 orësh: Trupi kalon në djegie totale të yndyrës, redukton inflamacionin dhe përmirëson ndjeshmërinë ndaj insulinës.
Pas 30 orësh: Fillon “pastrimi i thellë” i organizmit.
Pas 36 orësh: Trupi arrin në pikën maksimale të autofagisë, duke rigjeneruar inde dhe përmirësuar metabolizmin.
Por, ky transformim vjen me një çmim. Sipas “The Emily Program”, efektet anësore të mundshme përfshijnë:
- Urinë ekstreme dhe të pakontrollueshme
- Marramendje dhe dhimbje koke
- Probleme me tretjen dhe pagjumësi
- Ndryshime humori dhe erë të keqe në gojë
- Dehidrim dhe mungesë të vitaminave jetësore
A ia vlen?
Për disa, agjërimi i zgjatur mund të sjellë rezultate të prekshme, por për të tjerë, mund të përbëjë rrezik serioz shëndetësor, sidomos nëse kryhet pa mbikëqyrje mjekësore.
Ndërsa përfitimet si humbja e peshës, rritja e energjisë dhe pastrimi qelizor janë tërheqëse, është thelbësore të vlerësohen edhe rreziqet.
Mesazhi? Agjërimi mund të jetë mjet, por nuk është magji. Trupi ka nevojë për kujdes, jo vetëm për formë, por për jetë.
