Marrëdhënia mes Selena Gomez dhe producentit muzikor Benny Blanco ka qenë një nga historitë më të komentuara në showbiz-in ndërkombëtar.
Dyshja e dashuruar, që nisën lidhjen në vitin 2023 dhe zyrtarizuan fejesën në dhjetor të po atij viti, dukeshin më të lumtur se kurrë. Por së fundmi, fansat kanë ngritur dyshime të forta për një krizë në çift – madje për një tradhti.
Sipas një raportimi të Daily Mail, në rrjet kanë qarkulluar video dhe foto që shfaqin Benny Blanco në një darkë me Theresa Marie-n, shoqen e ngushtë të Selenës.
Ajo që ka tërhequr më shumë vëmendjen është fakti se Selena nuk ishte pjesë e këtij takimi dhe se, pas këtij momenti, ajo ka hequr nga Instagrami Theresën – një lëvizje që ka ngritur shumë pikëpyetje.
Në videon që po bën xhiron në TikTok, Blanco duket i habitur kur një fans i afrohet dhe i këndon një pjesë nga kënga e Selenës “Same Old Love”. Ndërkohë, Theresa Marie shihet duke qeshur përballë tij, çka ka ndezur dyshimet e ndjekësve se mes tyre mund të ketë diçka më shumë se miqësi.
View this post on Instagram
Shtesa më e fundit në këtë histori dramatike është spekulimi se Blanco mund të jetë abonuar në faqen OnlyFans të Theresa-s, sipas zërave që qarkullojnë në rrjet. Ky veprim, nëse është i vërtetë, vetëm sa ka përforcuar idenë e një tradhtie të mundshme.
Selena Gomez dhe Theresa Marie janë shfaqur për herë të fundit bashkë në mars, në një foto ku festonin ditëlindjen e një miku të përbashkët.
Kujtojmë se në një postim të vitit 2019, Selena kishte shkruar për Theresën:
“E takova Theresën pesë vjet më parë. Punuam së bashku dhe u bëmë shoqe të ngushta. Të dua dhe jam shumë krenare për ty.”
Deri më tani, asnjë prej personazheve të përfshirë nuk ka bërë ndonjë deklaratë publike, por fansat janë të bindur se ka diçka që po fshihet pas heshtjes së tyre.
