Opinionisti i njohur i “Big Brother VIP Albania”, Arbër Hajdari, ka komentuar hapur mbi eksperiencën e tij në sezonin e katërt të spektaklit, gjatë një interviste në emisionin “Ftesë në 5”.
Gjatë bisedës, Arbri është përballur me pyetje të drejtpërdrejta për banorët, përfshirë edhe atë se cilin prej tyre e konsideron më pak të zgjuar në aspektin e lojës.
Pa hezituar, ai ka përmendur emrin e Valbona Mhillit, ish-banores që qëndroi disa javë brenda shtëpisë më të famshme në Shqipëri.
“Tani, po të them një emër që ka qëndruar edhe goxha kohë brenda lojës. Se ka dhe të tjerë që kanë dalë më shpejt. Por, po them Valbona,” tha Hajdari, duke sqaruar se vlerësimi i tij i referohet thjesht mënyrës se si ajo luajti lojën brenda shtëpisë.
Sipas tij, Valbona nuk arriti të kuptonte dhe të përfshihej në mekanizmat strategjikë të lojës, çka e penalizoi në rrjedhën e saj në spektakël.
