Heidi Baci, ish-banorja e edicionit të tretë të “Big Brother VIP Albania” dhe së fundmi moderatore e “Fan Club BBVIP 4”, ka qenë e ftuar këtë fundjavë në rubrikën “Mos i bjer me Top” në emisionin “E Diell”, në Top Channel.
Në një intervistë plot energji dhe humor, Heidi ndau emocionet e saj për eksperiencën si moderatore:
“Jam shumë e lumtur që e mbaruam Fan Club-in me sukses, mora një feedback shumë të mirë nga publiku. Jam vërtetë krenare me veten time, kam dhënë maksimumin,” — u shpreh ajo.
Gjatë rubrikës, Ronaldo Sharka e vendosi përballë disa fotografive të ish-banorëve të BBVIP3 dhe i kërkoi të vendoste: t’i puthte, t’i injoronte apo t’i griste.
Kur iu shfaq fotoja e Egla Cenos dhe Meriton Mjekiqit, Heidi vendosi t’i injoronte pa hezitim.
Por kur doli fotografia e Graciano Taganit, Heidi qeshi dhe e grisi, duke thënë: “Me ndryshu pak ritmin, edhe e grisim!”
Nga ana tjetër, Heidi tregoi afeksion për disa banorë të tjerë: ajo puthi foton e Sara Gjordenit, me të cilën ka ruajtur miqësi të ngushtë pas BBVIP3, si edhe fotot e Xhilda Luzit dhe Neda Ballukut, duke shtuar me humor: “Qenkan të gjitha shoqet e mia!”
Për Fation Kuqarin, Heidi pati një vlerësim pozitiv: “Personazh shumë pozitiv, edhe mund ta puth,” — tha ajo, duke treguar respektin që ka për ish-banorin.
