Pas mbylljes së edicionit të tretë të “Big Brother VIP”, Egli Tako ka ndarë një mesazh prekës me ndjekësit e saj në rrjetet sociale, duke reflektuar mbi përvojën unike dhe falënderuar publikun për dashurinë e pakushtëzuar.
“Çdo fund është një fillim i ri,” shkruan Egli, duke e cilësuar pjesëmarrjen në spektakël si një kapitull të paharrueshëm në librin e jetës së saj.
Ajo u shpreh thellësisht mirënjohëse për mbështetjen që ka marrë nga publiku gjatë gjithë rrugëtimit të saj në shtëpinë më të famshme në Shqipëri.
“Faleminderit nga zemra publiku im për gjithë dashurinë dhe mbështetjen e pakushtëzuar… Jeni bekim, e ju dua shumë secilin prej jush,” vijon ajo në postimin e saj.
Egli mbyll mesazhin me premtimin se “ëndrra vazhdon” dhe se mezi pret të jetë më afër publikut që e ka përkrahur gjatë kësaj aventure.
