Pak kohë më parë një foto e Samanta Karavellës me futbollistin e Kombëtares Jasir Asani tek shiheshin duke darkuar, bëri bujë në rrjet.
Dyshja vendosën ta postonin foton duke mos bërë asnjë shkrim e sakaq publiku u vu në pikëpyetje se çfarë i lidhte me njëri tjetrin, madje një pjesë dyshuan për një romancë mes tyre.
E ftuar në “Më lër të flas”, këngëtarja ka sqaruar edhe të vërtetën pas fotos.
Ashtu siç pritej, ajo mohoi se mund të kishte një romancë mes tyre por tregoi se kishin darkuar për të festuar fitoret e Kombëtares.
“Me Jasirin njihem nëpërmjet menaxherit tim dhe thjesht kishim dalë për një darkë dhe bëmë një nga këto fotot ‘pa mendje’, doli që bëri shumë zhurmë. Ishim në Maqedoni. Nuk jam në lidhje me të, aspak, por ne thjesht po festonim për suksesin e tij dhe sigurisht të Kombëtares që na kanë bërë krenar”- u shpreh Samanta duke mohuar kështu zërat.
Nga ana tjetër, këngëtarja tregoi se prej vitesh është shpërngulur në SHBA dhe arsyeja është dashuria.
Ajo nuk donte të jepte detaje për romancën e saj, ama me aq sa tha u kuptua se partneri nuk është shqiptar.