Këngëtari i njohur, Ermal Fejzullahu, ka qenë i ftuar në “Mos i bjer me Top”, ku ndau disa detaje për projektet dhe jetën e tij.
Mirëpo si shoku i ngushtë i Ledri Vulës, Ermali nuk kishte si t’i shpëtonte pyetjes nëse këngëtari është ndarë nga Sara Hoxha.
Ermali la të kuptohet se Sara dhe Ledri kanë pasur “krisje” në raportin e tyre gjë që i ka ndarë – krisje që Ermal Fejzullahu i konsideron gjëra të vogla, aq më tepër me një fëmijë në mes, si në rastin e çiftit Sara-Ledri.
“Sido të jetë do i mbaj anën Ledrit se jam shoku i tij. Uroj mos të ndahet askush për gjëra të vogla. Nuk është mirë me i dhënë fund një lidhje, sidomos kur ka fëmijë. Nëse janë ndarë uroj të bëhen bashkë, ose përndryshe i uroj secilit lumturi” – është shprehur Fejzullahu.
