“Përputhen”, programi i njohur i dashurisë, vazhdon të surprizojë publikun në mënyrat nga më të ndryshmet.
Kështu ka bërë edhe në puntatën e fundit, ku në karrigen e opinionistit u ul këngëtari i njohur, Kastro Zizo.
Kastro u pyet nga moderatorja Megi Pojani nëse ia priste mendja ndonjëherë të shihte veten në pozicionin e opinionistit ku tha:
“Ende jam pak kështu si një lloj shoku i përzier me realitetin. Nuk e kisha menduar kurrë të isha pjesë, megjithatë më sfidon e gjithë kjo. I kam bërë një dedikim të gjithë çunave dhe gocave këtu, në një mënyrë apo tjetrën dhe pretendoj që mund të them diçka më shumë sepse kam bërë një jetë aq dinamike, të mbushur me aq ulje-ngritje saqë ndonjë fjalë e imja mund të bëjë sens apo të ketë vlerë”.
