Në rrjet vazhdon të përflitet se Adrola Dushi dhe reperi i njohur, Capital T janë në një lidhje.
Dyshja janë pyetur shpesh nëpër intervista të ndryshme për njëri-tjetrin, por asnjëherë nuk e kanë përkufizuar raportin e tyre më shumë se miqësi.
Megjithatë, kjo nuk e ndalon publikun të aludojë sërish për një lidhje mes tyre.
Adrola ishte së fundmi e ftuar në emisionin “Në Kurthin e Piter Pan”, ku sërish nuk mundi t’ shpëtojë pyetjes së famshme, këtë herë nga fëmijët.
“A ke një kapo në jetën tënde?“, u pyet Adrola, teksa nuk ngurroi të përgjigjet.
“Unë jam kapo i vetes time dhe këtë gjë ia mësoj dhe djalit tim, duhet të jetë i zoti i vetes. Por sigurisht që do të doja shumë që të kisha një partner kapo, i cili do më udhëhiqte në jetën time, sepse ne femrat jemi të brishta, duam qetësi, duam dashuri, ndërsa meshkujt janë më luftarakë, janë më të fuqishëm dhe sigurisht dua të kem një partner kapo në jetën time“, u përgjigj Adrola.
Po ashtu ajo komentoi edhe një video të Capital T që thoshte në një edicion të kaluar të “Në Kurthin e Piter Pan” se personit të zemrës i ka thënë shumë herë të dua, por akoma nuk e ka propozuar.
“Shok e kam, por jo aq shumë sa të hapë zemrën”, u përgjigj Adrola pasi u pyet nëse e di për kë e ka thënë këtë gjë Capital T.