Ish-konkurrenti i “Për’puthen”, Elvisi, ka bërë së fundmi një bashkëbisedim me ndjekësit e tij të shumtë, të cilët kanë qenë shumë kuriozë që të dinë sa më shumë detaje rreth tij.
Të shumta kanë qenë pyetjet në lidhje me protagonistët dhe programin e “Për’puthen”. Një fans vendosi që ta pyeste në lidhje me Sindin, e cila pasi ai u largua nga reality show, i uroi shumë suksese.
“Vendimi i Sindit për të mos dalë bashkë me ty e tregoi që kurrë nuk të ka merituar”, i shkruan një ndjekës, të cili Loco i ktheu përgjigje menjëherë.
“Kush e tha këtë? Kush tha që mosdalja e Sindit i mbylli të gjitha? Kush tha që ne të dy “o bashkë, o me asnjë”? Jeta është e gjatë babush. Nuk merren vendimet e mëdha, thjesht për t’ju mbushur mendjen njerëzve”, u përgjigj Elvisi.
Duke qenë se në program, opinionisti Arjan Konomi ia ka përmendur herë pas here Locos se është i pashkollë, një fans e ka pyetur pikërisht rreth kësaj teme.
“Çfarë ke studiuar? Më bën përshtypje që ke qenë shumë vite në Greqi e je shumë i artikuluar në shqip”, i shkruan ndjekësi.
“Kam qenë nxënës ekselent deri në maturë. Çdo lëndë. Kam filluar studimet për Inxhinieri Elektrike dhe për Teknologji Informacioni. I kam lënë të dyja pas 1 viti që kam studiuar secilën. SEPSE: Shikoja studentë të diplomuar me master, që kërkonin punë kamerier. Shikoja studentë nga 25 vjeç akoma pa hyrë në jetë. Shikoja veten që isha në moshë madhore, dhe më duhej ti kërkoja 2 mijë lekëshin babit në mëngjes. U shkëputa nga Universiteti fillova të “vetëinformohem” me mënyra të ndryshme, për gjëra që më duhen dhe që më interesojnë, ndërkohë që punoja, dhe vendosja për vijë jetën time. NUK KAM NJË RRUGË TË CAKTUAR PËR TU BËRË I DITUR OSE I SUKSESSHËM. BËJ ATË QË TY TË DUKET E DUHURA”, i është përgjigjur Loco.
