Në përgjithësi, shëndeti ynë mendor përballet me sfida të shumta, dhe ankthi është një nga më të mundimshmet prej tyre. Ankthi ka prekur miliona nëpër botë që nga kohërat e lashta, dhe vijon të prekë miliona të tjerë. Çdo ditë e më shumë njerëzit po vuajnë nga problemet e shëndetit mendor. Personazhe të shumta publike kanë ndarë me ndjekësit eksperiencat e tyre të vështira me këto çrregullime të mënyrë që tu vijnë sado pak në ndihmë.
E fundit që ka ndarë eksperiencën e saj me fansat ka qenë Fifi e cila ka folur në një intervistë virtuale në Instastory për ankthin e depresionin. Fifi ka treguar se ankthi i ka lënë edhe pasoja, takikardinë e nuk mund të përballojë emocione të forta. Por shton se pavarësisht kësaj, ka arritur ta kontrollojë veten dhe është e lumtur.
“Po kam kaluar dhe normal që ka pasoja ajo gjë. Mua më ka lënë takikardinë ama kjo është e veçanta ime dhe e kontrolloj unë atë, jo ajo mua. Nuk përballoj dot emocione të forta as negative as pozitive, e prapë jam e lumtur që mund të dashuroj pa kontroll”, shkruan Fifi.
