Kevin Jacobs, fituesi i “Big Brother Kanada” është kthyer në qendër të vëmendjes së fundmi dhe kjo për shkak se Luizi e përmendi në BBV Albania.
E gjitha ndodhi pasi Armaldo, Kristi dhe Luizi u dërguan në nominim direkt pas një zarfi të zi, ku iu bë e ditur se kishin thyer rregullat e produksionit pasi kishin fikur mikrofonat dhe hynë në tualet për disa sekonda.
Më pas Luizi u shpreh se e gjitha ishte e planifikuar nga ai për të nxjerr në nominim bashkë me të Kristin dhe Armaldon.
Megjithatë Zhaklina Lekatari dhe disa prej banorëve kishin mendim ndryshe nga Luizi, duke thënë se e gjitha ishte diçka rastësore dhe se këngëtari do të marrë meritat dhe të duket si një strateg.
Luizi reagoi sërish duke u shprehur se një situatë e tillë ka ndodhur dhe në BB Kanada nga Kevin Jacobs, fjalë të cilat i shkuan në vesh edhe këtij të fundit.
Kevin bëri një reagim në rrjetet sociale ku shpjegoi si fillim se ishte vënë në dijeni nga fansat e Luizit për situatën e ndodhur në BBV Albania. Më pas ai bëri një tjetër reagim, këtë herë duke falenderuar Luiz Ejllin dhe duke e quajtur një gjeni.
Fjalët e Kevin nuk shkuan “dëm” pasi ai arriti të fitojë plot 15 mijë ndjekës në më pak se një ditë.
E si duket gjithë ky numér i madh ndjekësh ka bërë që ai të apasionohet shumë pas publikut shqiptar dhe Luizit.
Kevin ka ripostuar shumë momente të BBV Albania ku ai është etiketuar, teksa nuk e kurseu dhe një tjetër postim falenderues për Luizin.
Teksa ishte në seksionin “live” të rrjetit social instagram, Kevin shkroi: “Çfarë dite e çmendur, faleminderit Luiz Ejlli”, duke etiketuar këngëtarin shoqëruar me emojin e një luani.
Nuk do ishte çudi që Kevinin ta shihnim sezonin e ardhshëm të BBV. 🙂
