Simone Biles dhe Jonathan Owens janë fejuar! Simone e bëri të ditur këtë lajm në llogarinë e “Instagram”-it për të ndarë fotot mahnitëse të propozimit.
Në foto dukej Jonathan i ulur në gjunj, ndërkohë që Simone ka shkruar në postim “PO-ja MË E LEHTË”.
“Mezi pres të jem përgjithmonë me ty, je gjithçka që kam ëndërruar dhe më shumë! Le të martohemi I FEJUARI IM!”
Ajo nuk ka specifikuar se kur ka ndodhur propozimi, por data na bën të mendojmë se ndoshta ka qenë një surprizë e ditës së Shën Valentinit.
Ndërkohë, edhe Jonathan postoi fotot e propozimit, duke shkruar: “U zgjova këtë mëngjes me një të fejuar”.
Ai gjithashtu zbuloi se Simone “nuk e kishte idenë se çfarë po ndodhte”.
Simone dukej absolutisht mahnitëse në fotot e propozimit, e veshur me një fustan të zi lëkure dhe këpucë të zeza me majë të hapur. Flokët e saj ishin të stiluar me kaçurrela të gjata.