Në një intervistë pak javë më parë aktorja Monika Lubonja e krahasoi me “telenovelë turke e mërzitshme” ribashkimin e Borës dhe Donaldit duke shtuar se po përdoret për marketing.
Mirëpo e ftuar në “Natë me Aulonën”, aktorja ka sqaruar se deklaratën nuk e kishte në kuptimin e keq.
“Unë Donaldin e kam xhan e kam njohur shumë kohë më parë. Dhe më ka ndodhur disa herë që iu jam kthyer fansave me profile fallco. Vinin fansat e Ilirit, ikën ata vijnë fansat e Donaldit, vijnë fansat e Triksës: “Pse vajte tek emisioni i…” Bigu ka mbaruar, Monika ka të drejtë të shkojë ku të dojë, unë jam një njeri shumë i lirë. Sa i përket thënies time “serial turk” mendoj që ne fokusohemi pas serialeve turke. Filmi është si metaforë që unë si artiste kam dëshirë t’i bëj të bukura. Të thuash që ne shikojmë një telenovelë të bukur… nuk kishte asnjë gjë. Edhe sot po ti bie telefonit të Donaldit do më thotë që e kemi lënë për një kafe”, tha Monika.
Ndërsa për sa i përket dasmës së Ilirit, Monika u shpreh se as nuk e priste një ftesë sepse ata nuk kishin ruajtur kontaktet me njëri-tjetrin pas daljes nga emisioni.
Ajo ka thënë se nuk ka dëshirë të bëhet pjesë me një grup apo një tjetër, por vazhdon të mbajë qëndrimin e saj.
Monika theksoi që i ka lënë gjërat pas krahëve, por nuk i dihet se si vijnë situatat në të ardhmen duke lënë dyert e hapura për një pajtim të mundshëm.
Ajo tha se është e hapur për një dhënie dore apo një bisedë sepse është një njeri mjaft tolerant.
