Si sot një vit më parë është mbajtur finalja e madhe e edicionit të parë të “Big Brother VIP”.
Katër finalistët Donald Veshaj, Einxhel Shkira, Beniada Nishani dhe Ilir Shaqiri u përballën me njëri tjetrin për të fituar çmimin e madh, mirëpo fitues i edicionit u shpall ky i fundit.
Mbrëmjen e sotme, Einxhel ka rikujtuar momentin final me anë të një postimi në InstaStory ku ka taguar edhe 3 finalistët e tjerë.
“Ta ndash finalen me miken e ngushtë të atij rrugëtimi dhe dy ‘rivalët’ e mi tregon që ajo eksperiencë është më shumë se një garë… I përngjason jetës tonë, ku na duhet dhe mund të korrim sukses krahë atyre që duam më së shumti dhe atyre që duhet të gjejmë mënyrë të bashkëjetojmë pavarësisht mospërputhjeve tona… S’ja kam thënë kurrë ndoshta, por sot më shumë se kurrë jam krenare për finalen e merituar që patëm secili prej nesh!!”
