Kim Kardashian shprehu shqetësimin se të dashurit e saj të ardhshëm mund të “frikësohen” nga ish-bashkëshorti i saj Kanye West.
Ikona e realitetit televiziv, në episodin e së hënës të “Angie Martinez IRL” tha:
“Një pjesë e imja më thotë o Zot, a do të tremben të gjithë sepse nuk e kam ish-in paqësor? Unë nuk mendoj se është e drejtë për mua të vendos dikë në një situatë ose të sjell një person të ri që mund të jetë super i pafajshëm. Pastaj kam një anë tjetër timen që më thotë , pse do të më duhej të jetoj të gjithë jetën në këtë mënyrë”.
Në një moment tjetër të bashkëbisedimit të saj me prezantuesen Angie Martinez, Kardashian qau për vështirësitë e bashkë-prindërimit me West, pasi sjellja e tij u bë gjithnjë e më e papërballueshme këtë vit.
Ish-çifti finalizoi divorcin e tyre më 29 nëntor. Kardashian fillimisht u paraqit në shkurt 2021 pas shtatë vitesh martesë. West, i cili dështoi të rifitonte Kardashian pavarësisht disa përpjekjeve publike, ka bërë tituj këtë vit për dizajnimin e veshjeve “White Lives Matter”, një breshëri sulmesh antisemite dhe gjoja shfaqjen e pornografisë, duke përfshirë fotot eksplicite të Kardashian.
Edhe pse Kardashian ndonjëherë ka frikë se reputacioni i Kanye West do t’i frikësojë kandidatët e mundshëm, ajo insistoi se është në “zonën argëtuese” të të qenit beqare. Ylli 42 vjeçar i tha Martinez:
“Nuk e di nëse do të martohem sërish, por do të kem partnerin tim të përjetshëm. Unë e di atë. Ai po vjen, absolutisht. Unë jam në paqe dhe do të argëtohem derisa kjo të ndodhë.”
Personi i parë me të cilin Kardashian pati një romancë pas ndarjes nga West ishte komediani Pete Davidson. Ata filluan të takoheshin në tetor 2021, por e ndërprenë këtë marrëdhënie përfundimisht në gusht.
