Avril Lavinge është fejuar me të dashurin e saj Mod Sun pas një propozimi romantik që mori nga ky i fundit gjatë një udhëtimi në Paris.
Lajmin e ka zbuluar vet artistja përmes rrjeteve sociale duke zbuluar se ‘’PO’’ tha me 27 mars.
“Po, do të të dua përgjithmonë!”, ka shkruar këngëtarja në gjuhën franceze. Ndërkohë duke folur për këtë moment special pranë kullës Eiffel, këngëtarja tha për revistën People se ishte “propozimi më i përsosur, romantik që mund të kërkonte ndonjëherë”.
Mod, propozoi me një unazë të personalizuar nga argjendaria XIV Karats me bazë në Beverly Hills , e preferuara e të famshmëve të tjerë si Lana Del Rey, Kylie Jenner dhe Hailey Baldwin.
“Unaza ka fjalët ‘Hi Icon’ të gdhendur në të, të cilat ishin fjalët e para që ai më tha ndonjëherë. Dhe ka Mod + Avril në brendësi,” tha Lavigne për “People”.
Kjo është unaza e parë e fejesës e Avril Lavigne në formë zemre dhe ka një gdhendje të veçantë.
“Ai e dinte që në fillim që unë doja një diamant në formë zemre, sepse ditën që u takuam, kishim unaza në formë zemre. Që atëherë i kemi mbajtur çdo ditë, ndaj është e përshtatshme vetëm të kemi një unazë fejese në formë zemre. E dua aq shumë”.
