Genta Gjalpi, ose e njohur ndryshe si Genta e Big Brother ka treguar edhe më herët se ka njohje që nga jashtë me Luizin e Big Brother VIP.
Ajo reagoi kur Luizi tregoi për sëmundjen e tij të cilën e mohoi më vonë.
Së fundmi, Genta ka bërë një deklaratë të fortë. Ajo është shprehur se është shumë e sigurt se Luizi ka dikë jashtë. Madje ajo shtoi se partnerja që ka jashtë e ka lënë të krijojë lidhje në Big Brother vetëm për të fiturar çmimin.
“Dua të them edhe disa gjëra për Luizin por më vihen të gjithë kundra. Është 110% e sigurt ai e ka dikë jashtë dhe ajo i ka dhënë leje të krijojë dhe lidhje vetëm për të fituar çmimin”, shkruan Genta.
Kjo deklaratë e Gentës vjen pas konsolidimit të lidhjes se Luizit dhe Kiarës në “dasmën” e famshme që u krijua në kuadër të lojës.
Kiara dhe Luizi shkëmbyen më në fund edhe puthjen e parë. Këngëtari dhe moderatorja kanë nisur planet për bashkëjetesën dhe lidhjen jashtë Big Brother, prandaj kjo deklaratë nga Genta Gjalpi është tronditëse për publikun që admiron çiftin.
