11 ditë pas tërmetit që shkatroi Turqinë dhe Sirinë, u konfirmuan lajmet e hidhura që lidhen me botën e sportit.
Futbollisti Christian Atsu, dikur lojtar i Chelsea, Málaga dhe Newcastle United, është mes dhjetëra mijëra viktimave të tjera, pasi trupi i tij u gjet mes rrënojave të lëna nga tërmeti.
Lajmin e hidhur e ka bërë të ditur agjenti i tij në Turqi, Murat Uzunmehmet mëngjesin e së premtes.
“Christian Atsu u gjet dhe fatkeqësisht kishte ndërruar jetë”, tha ai përmes një deklarate të shkurtër në mediat sociale. “Trupi i pajetë i Atsu u gjet nën rrënoja,” shtoi Uzunmehmet kur foli me gazetarët në Hatay, ku u gjet trupi i lojtarit. “Aktualisht, më shumë sende janë ende duke u nxjerrë. I është gjetur edhe telefoni”.
Ganiani kishte planifikuar të largohej nga Turqia jugore vetëm disa orë përpara se të godiste tërmeti, sipas menaxherit të klubit të tij, por vendosi të vazhdonte pasi shënoi golin e fitores më 5 shkurt.
